此刻的心情就如…
奪了面金牌的奧運選手
民意上升到99分的梁振英
分了小甜甜家產的陳振聰
但此時此刻 身為馮詩麗(Celia) 因為成功爭取超市進行食物捐贈 而感動得好比奪金牌、高民意及分身家
話說一切由「剩食」開始
當知道超市浪費大量食物 便開始跟michelle密密斟 想對策推動超市「做d野」
說真的 開始已打了一半輸數
人家是大企業 你只是一個「無名小卒仔」
人家機構有千百個員工 你只有同事義工數十個
人家有錢有勢力 你只是有心有力
人家…..
即使兩者實力看似懸殊 但抱住「做得幾多得幾多」及「我同你死過!」的心態…
Campaign就此開始了
回想起一切由零開始:
「超市一日掉幾多食物出黎? 掉去邊? 掉乜野多? 浪費情況有幾嚴重? 超市可以做d乜? ….」
對不起 除了「剩食」提及的資料外 我們一無所知
只好:
1. 摷垃圾，成世人最唔怕污糟，經過十數次後已摷得一身好本領，但每次食飯時「廚餘味」總揮之不散
2. 同超市職員、清潔員工做訪問，問天問地問到口水都乾，用盡所有方法「套料」
3. 搜集資料，日睇夜睇，睇到眼都乾頭爆頸痛腰彎，都為了做舊海棉「吸呀吸」
但事情也並非順風順水….
剛找到個辦法摷垃圾 又被人從從阻撓
本想安排跟超市工作人員做訪問 又因為驚被超市秋後算帳而「臨時縮沙」
想找個人做卧底「深入虎穴」 又久久未有合適人選
正以為超市「軟化」 又突然出「金錢攻勢」賣廣告表示丟棄食物過期又損壞
天哪~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~!!!!!!!!!!!!!!!!!!
但謝謝幸運之神 總在我踫壁時助我一把
幸運之神 除了指「天上面的那個」外
更有一班好同事
一班好朋友
一班好義工
一班好熱血的大學生
由污污糟糟去摷垃圾
辛辛苦苦執麵包鋪街
大大膽膽跳街舞
熱熱血血在街頭做action
大家都義不容辭 更要每次都一鼓熱血 令我都突然「心口有個勇字」!
辛苦完一大輪 再有豐碩成果
那種滿足感前所未有
亦會令我未來一星期咀角將會經常不經意向上揚
記得上一次寫note 是因為工作上遇上最低潮 不但質疑自己能力 更因工作與家人鬧翻
一年後 雖然繼續對自己能力有保留 但望見身邊家人朋友亦因為自己而有留意超市浪費新聞 會為自己做的事而驕傲 爸爸媽媽會周圍同人講「呢個係我個女」等等… 噢~~~~~~ !
另外，「朋友們每次食飯都好大壓力唔會食淨野」 「阿媽會話去飲要帶飯盒」等諸如似類的事情 都令小妹感動不已
寫這篇note 最想講的 其實是最老套的說話:
「每個人也可以作出改變」
只要有心去做 努力去做 必定會帶來改變
最後 也是另一句老套說話: 多謝各位 無言感激
註:不久前，他們成功爭取百佳超市落實進行食物捐贈。百佳與食物回收機構「惜食堂」合作，將可食用的蔬菜、水果及剩餘的散裝麵包，製成飯盒贈送給有需要人士。他們再一次證明:只要堅持就有機會成功!!!
No comments:
Post a Comment